.+[ قصة رحلتنا غيررر مع مووووج الامارات ]+.

[موج الامارات]

.
.
.

السلام عليكم ورحمة الله وبركاته ..
شحالكم عساكم بخير ..؟؟
.
.

احم احم يايبتلكم صور يديده من قدي من قدي ..
عقولتهم من طول الغيبات ياب الغنايم لووول ..

.
.

وبخبركم عن رحلتنا البارحة <--- الناس تحتفل بعيد الاتحاد ونحن ماشالله
ظاهرين منها وداشين عمان ( مووواجي ماتحبها مووول لا هي ولا شعبها ) ..

.
.

المهم تمينا من بداية الاجازة نحن فوق راس الاهل يودووونا البر
بس محد طايع يودينا وكل واحد يظهر لنا حجة يديده ..
اللي يقول مانندل ( ياكثر مايسيرون ويا الشباب ) ..
واللي يقول بيكون في تفتيش ولازم جوازات البشاكير وحالتهم حالة ..
ونحن الحلول كلها جاهزة عندنا لووول
من ظهروا حجة يديده ردينا عليهم ..
لين ماخر شي قالوا خلاص قولوا لبنات خالتكم اين عندكم ..
ويوم وصلن..
اونه كيف بيدخلن وهن مايايبات الجوازات ..
جان الكل يقول ماعليه يايبين لياسنا والصغيرة بندسها فاي كرتون من كراتين الرحلة لووول ..

.
.

وجان اقول لهم ليش جي بنسوي شرى ماسوينا فالسعودية
يوم التفتيش بنقرى الاية
قال الله تعالى (وجعلنا من بين أيديهم سداً ومن خلفهم سداً فأغشيناهم فهم لا يبصرون) فسورة يس..
ونعدي على خيرر ..

.
.

جان يوافقون ويقولون خلاص تم ..
شكلهم تاذوا من كثر مانتحرطم
استانسنا <--- من كثر ماكنا مستانسين المفروض انام من وقت وانش من وقت ..
وتمينا للفير وانا حليلي اسوي سيديهات اغاني لاخوية ( عسب نرتبش ) ..

.
.

ويالله تجهزنا وحركنا المواتر ..

http://www.alamuae.com/up/Folder-011/1196695848_22.jpg

وانا كنت قاعدة بهالسيارة ( فتك 2008 )
وشوتنا الشمس عدل <--- اونه بنشوي اهناك
وتمينا نرتبش فالسيارة ونتسابق منو الاول ومنو الثاني لووول <-- وناسة ..

.
.

لين ماوصلنا وبدينا انزل الاغراض من السياير ..
وكنا 3 سياير ( ارمادا وانفنتي وفتك ) ..

.
.

وبعد ماحصلنا مكان حلووو اظني كنا فمحضة ..
وزهبنا الاشيا ويالله للضوووو ..

http://www.alamuae.com/up/Folder-011/1196696162_2.jpg


وحليله اخويه كان بينشوووي لانه شووفووو شوصار ..

http://www.alamuae.com/up/Folder-011/1196696179_5.jpg

وتمينا عقبها نطفيه بالتراب ..

ويا وقت شوي تايم

.
.

وعقب تمينا نحط اللحم والدياي فالاصياخ وعالشوي ..

http://www.alamuae.com/up/Folder-011/1196696630_23.jpg

http://www.alamuae.com/up/Folder-011/1196696704_9.jpg


امممممم تشموووون الريحة ولالا ...؟؟؟

http://www.alamuae.com/up/Folder-011/1196696642_3.jpg

http://www.alamuae.com/up/Folder-011/1196696678_4.jpg

اممممم شو لذيذ طعمه اممممم وخاصة الدياي <--- البنت ماتاكل الا دياي لوول ..
فكان البعض ياكل عالسريع من الصيخ للثم دايركت واللي كان يمشي عالاتيكيت فالبر
لازم فصحووون ..

http://www.alamuae.com/up/Folder-011/1196696884_1.jpg



.
.

وعقب ماخلصنا ..
جان يتذكرون انه البراد مافيه ثلج (ماكان شي فالمحطات ثلج )
والسوايل اللي عندنا ( ماي وعصير والمشروبات الغازية ) والواحد فهالجوو يبا يشرب
شي بارد .. جان نقول لاخويه ( راعي الفتك ) بنبردهم بثلاجتك جان يحوطنا ..

http://www.alamuae.com/up/Folder-011/1196697065_24.jpg


وعقبها قلتله يحولني عسب اصور سيارته وهو فالبر اونه حق تلفونه لووول <--- مايدري انه حق المنتدى وحق موضوعي اليديد ..

http://www.alamuae.com/up/Folder-011/1196699347_10.jpg


المهم عقبها ردينا لمكانا .. وتغدينا ..
وانا عن نفسي كان هااا غداي اهناك واهم شي بيبسي السيلانيات ..

http://www.alamuae.com/up/Folder-011/1196696876_7.jpg


فانتا لووول ..
وهيه ادريبكم بتسالون انتي قلتلي ماتاكلين لحم <---- عندها حب الايثار وكلنا انا واختي رباعه
(اونج عاد )

.
.

وعقب حمدنا ربنا و تغسلنا وصلينا الظهر والعصر ..
ويا وقت تسلق اليبل

وناسة ..

.
.

وتحسبته يبل شرى يبلنا اثاري يبلهم حصى مفتت
الواحد يخاف يصعد لفوووق ويدوسله حصى ويطيح ويتسكر ..

.
.

ونحن نمشي جان احصل عصفورة

http://www.alamuae.com/up/Folder-011/1196699855_8.jpg

تدروبي ماخلي شي ماصوره لووول ..

http://www.alamuae.com/up/Folder-011/1196700033_14.jpg

لاتعلييييييييييييق لووول ..

.
.

ويالله وصلنا لليبل وقلنا بسم الله والله يستر ..

http://www.alamuae.com/up/Folder-011/1196700176_15.jpg


وتمينا نصعد ونصعد ..

http://www.alamuae.com/up/Folder-011/1196700242_16.jpg


وهاي بعد

http://www.alamuae.com/up/Folder-011/1196700284_17.jpg


لين ماوصلنا للقمة تقريبا ..
وجان اصور مقر عايلة مووواجي الاستراتيجي ..

http://www.alamuae.com/up/Folder-011/1196700165_18.jpg


وصرخنا وتمينا نغني وحالتنا حالة لووول ..
والجو كان رهييييييب فوووق <--- غيرنا جووو لووول ..
وبعدها سوينا سباق منو بينزل اول شي ..
وعقبها بنت خالوا طاحت ويودنها ونزلنا رباعه تقريبا <--- بس انا اخويه بغاني اخذله كم صورة
فوتوغرافيه له وهو فوق اليبل ونزلنا ..

.
.

http://www.alamuae.com/up/Folder-011/1196700312_11.jpg


ووصلنا لمقرنا الاستراتيجي ..
وعقبها نسمع اخويه يقول يالله بنسير نخمس بالسيارة
وانا اطنز عليه كونه ماله بهالسوالف <--- كل ماطلبت منه يودينا فوق اليبل قال اخاف وماعرف اسوق
فقلت له يالله نباك تمشي بسرعة ومن هالرمسة ..

.
.

ولا ننصدم فيه ....!!!!!!!!!
اخويه انت تعرف لهالسوالف <--- وينك عني من زمان لووول ..
وتمينا نصرخ ونصفق ونعلي عصوت الاغاني..
فكانت وناسة فوناسة ...



.
.

وعقب يا وشل الجزء الثاني بس انا مصرة الا اروح وياهم <--- ملقوووفة ..
وتميت فالدبة ونصارخ ونصفق هههه ..
لين مايت بنت خالتي وقالت انا بجرب اسوق ..
قلنالها اوكي .. بس قالت مابا الفتك كونها يديده وحرام ..
باخذلي الارمادا ..
قلنالها اوكي..

.
.

واخويه راعي الفتك خذ الجزء الثاني معاه فالفتك ..
ولااااااااااااااااااااااااااا
ننصدم ....!!!!

بنت خالوا تخمس ..؟؟؟!!!!
لا يديده هاااي ...

.
.

مابحلف شووفووا واحكموا بنفسكم ..

http://www.alamuae.com/up/Folder-011/1196700451_13.jpg


http://www.alamuae.com/up/Folder-011/1196700782_12.jpg

http://www.alamuae.com/up/Folder-011/1196717275_33.jpg


اهني طلبنا من بنت خالوا تنزلنا عسب نصورها وهي تخمس ..
ولا ننصدم عقبها الشرطة ياية صوبنا شو السالفة <--- اللي فالسيارة بس بنات مافي شباب لوول ..
.
.

وتمينا نرمسهم ويبون الملكية وهي ناسيتنها فمقرنا السري للغاية ..
والريال يرمس وانا فيني ضحكة بسبت لهجته الفضيعة ..
وشكله الريال كان منصدم انه بنت تخمس وتسوي دخان ..!!!

وتمت اختي ترمسه وتقول له جي وجي وجي وجي وجي ... لين ماطاعوا وفجوو عنا ..
بس كان زيااااغ لانه طلبوا منه نلحقه للمخفر ونحن مالنا بهالسوالف
زين ودووونا واخرتها مخفر لا قوية ...!!!!

.
.

ونحن فالبداية كنا نازلين عسب نصور اخويه وهي يوم يتقاربون من بعض ويخمسون فنفس البقعة بس الاكثر اخويه يوم شل الرمل شلللللل ويابه صوبنا اهني صرخنا من خاااااااطرنا وتخبلنا .. وجان يصورونه بالفيديو التلفون ..

http://almobile.maktoob.com/org/uploads/79ec2aa628.wmv (http://almobile.maktoob.com/org/uploads/79ec2aa628.wmv)

.
.

وعقبها ردينا ونحن نضحك عسب بس الوالد مايعصب علينا
ونقول له انه بس طلب منه الملكية ..
وعقبها خبرنه بالسالفة <-- اظني ..

.
.

ويمعنا اغراضنا وتوكلنا عالله ..

http://www.alamuae.com/up/Folder-011/1196701965_19.jpg


اهني مادري جنه شي محترق عندهم او انه حد يخمس من خاطره او مضايج مني شي لووول ..

http://www.x88x.com/imgfiles/qmB02104.jpg

ووصلنا البيت ونحن اللي سبقناهم هالمرة ..
بس تريينا مفتاح البيت وصارت سالفة ثانية بعد لووول
انه ناسين المفتاح فالبيت وخلينا البشكارة تعفد فوق السووور وتفج الباب
كنت براويكم <---- مصورة كل شي مافوت اي موقف
بس للاسف ماقدر انزل الصور

http://www.x88x.com/imgfiles/3lp02340.jpg

ودخلنا من الاكبر للاصغر ..


.
.

وردينا البيت ومافينا حيل لا ترمس ولا نتحرك
بس كانت الرحلة روووووووووووووعة وخبال والله ..

.
.

وان شالله استانستو معايه بهالرحلة ..
واشكركم عتواصلكم معايه
وشكلكم تعبتوا من كثر ماتقرووون ..

.
.

لكم مني ارقى تحية
مووواجي ..

[مدمن الأخوه]

.
.

اني وشعبي نحب المركز الاول :d

.
.



موج .. انتي هنا :: eh2::

ويحك يا امرأه .. تنزلين موضوع وانا لا اعلم :d

.
.

انتوا عكس الناس طالعين من البلاد والناس تحتفل !!

.
.

بس يوعتيني وانا اخوج .. شو هالمشاوي الترتوب .. تأكدي مابقى صيخ
يمين يسار .. نسيتوه يمكن .. ولا محد شافه .. طرشيه بفدكس لامريكا
خاطري في واحد :: eh2:: ..

..
..

وبنت تخمس :m_chub: .. ولا تعرف بعد تخمس مب هينه هاه
وبأرمادا .. لو كان الفتك احلى عاد ..

.
.

مره ثانيه خذوني معاكم .. انسه موج ::ang::

.
.

والحمدلله على السلامه .. حبيت الصور يا موج
ماشاء الله عليج دومج مبدعه ومميزه :ay:

.
.

تستاهلين التقييم

.
.

مدمن

["Al3yOoOz"]

..:.::..:..:..::.

إنـــــي وشـــعبي نـــــمــــدح [ المـــركـــز الثـــــانـــــي ] :: eh2:::: eh2:::: eh2:::: eh2:::: eh2:::: eh2:::: eh2:::: eh2:::: eh2:::: eh2::

الرحلة حلوة .... فنتك الصرااحه والله يديم عليكم هالرحلة ...

وأحلى شي المشاوي ... شكل الدياي لذييييذ يم يم يمي ... بس ليش ماخبرتني انكم بتسيرون رحلة والسالفة فيها مشاوي وطلعة بر انا اول وحدة بكووون موجودة وبجهزلكم الرحلة وبخليها ترتوبيشن ... :(

المهم انكم استانستو ولاتنسووني المرة اليايه ترى لاخلي الشرطة صدق يشلوونكم انا موصتنهم ايوونكم ويسوولكم شوية جو ويزيغوونكم عشاان ماتغبرووون عالخلق الي يطيروون فالهوا ..... :: eh2::

تسلمين على الرحلة الي عشناها وياكم ... والحمدلله ع سلامتكم ...

وانا جااهزة اتريا الرحلة الياية ... :eh:

نترقب كل يديد ... بس بدوووون حريجة وشرطة ونسيان جوازات ومفااتيح ...:: eh2::


.::.:...::..::.:::.::.:..

[غاية]

مـــوج ..


اسلـــــوبج وايــــد حلـــو ،، وتصويــــرج احلــى ,, :ay:


نتـــريـــا يديدج :001:

[هبوب العين]

ما شاء الله عليج رحلتكم عجيبه

ياختيه شهيتيني بالكباب أنا بعد أحب الدياي بس

يالله الحين سوي وطرشيلي كم صيخ :g_mest7ya:

وحيييها اللي تخمس

ما خلتني أخمس وياها :: eh2::

بس أنا بخمس بالفتكـ ما أرضى الا بها :d

تسلمينـ ع الرحلهـ الحلوهـ

ومرهـ ثانيهـ شليني وياج

عادي حطيني ف الكرتونـ :m_e3trath:

تستاهلين التقييم

[هشيم]

ماااااااااااااشاااااااااااء الله بنت وتخمس:m_shoo:
الصرااحه ماافيها حييله
بس لو خذت الفتك احسن بيخمس عدل:d
تسلميين خيتوو عالصور الحلوه
ولا تحرمينا من يديدج لاهنتي ..
.
.

[موج الامارات]

.+[ مدمن الاخوة ]+.

.
.

اني وشعبي نحب المركز الاول :d

- ماشالله من يومك وانت تحب هالمراكز
وان شالله تكون دوووم بهالمراكز:h_thumb:

.
.



موج .. انتي هنا :: eh2::
- لا مناك :: eh2::

ويحك يا امرأه .. تنزلين موضوع وانا لا اعلم :d
- شو اسوي مادريت انك هنا <--- على ويحك لووول ..
عقولت ام خماس .. شو هالرمسة المخبقة :m_maynon:
وان شالله يوم بنزل موضوع يديد
بدق عليكم بيبان الرسايل وبقول لكم
تراني نزلت موضوع يديد.. وحياكم:ah:

.
.

انتوا عكس الناس طالعين من البلاد والناس تحتفل !!
-::ang:: يعني لو انا ماطنزت علينا جان ماطنزتوا علينا ..
بس بعد نغيرر جوو <=== احتفلنا بعيد الاتحاد <--- ماتشوف سيت الفتك لووول


.
.

بس يوعتيني وانا اخوج .. شو هالمشاوي الترتوب .. تأكدي مابقى صيخ
يمين يسار .. نسيتوه يمكن .. ولا محد شافه .. طرشيه بفدكس لامريكا
خاطري في واحد :: eh2:: ..

- هااا اهم شي فالموضوع
اني ايوعكم واخليكم جي :cry2: ههههه ..

وعسبت الصواريخ مافهمت عليك ممكن اترجم رمستك اكثر واكثر
:: eh2:: مانفهم للرمسات المخبقة لوول ..



..
..

وبنت تخمس :m_chub: .. ولا تعرف بعد تخمس مب هينه هاه
وبأرمادا .. لو كان الفتك احلى عاد ..

الكل قال نفس الرمسة
بس البنوته تخاف تسوقها اونها يديده
وحرام اندمرها لووول ...


:d هيه ادري انها تخمس احسن عنك
بس قول ماشالله<--- ضربتوها بعين والحين ماتعرف تسوووق
(سوالف )


.
.

مره ثانيه خذوني معاكم .. انسه موج ::ang::

- :eh:اممممممم بفكر فالموضووع ..
وبشوف جان اوديكم معانا ولا لا ...


.
.

والحمدلله على السلامه .. حبيت الصور يا موج
ماشاء الله عليج دومج مبدعه ومميزه :ay:


- الله يسلمك ويعافيك ...
وتسلم والله من ذووووقك :ax:

.
.

تستاهلين التقييم

:ah:ثانكس ..

.
.


اشكرك والله عالمرور والحضور والتواصل :001:
وبصراحة استانست وانا ارد عردك ..
فربي يعطيك الصحة والعافية
ونشوووفك فكل مواضيعنا ..
ولا عدمناك ..

.
.

لك مني ارقى تحية
مووواجي ..

[موج الامارات]

.+[ عيوزتنا ]+.

.
.



..:.::..:..:..::.

إنـــــي وشـــعبي نـــــمــــدح [ المـــركـــز الثـــــانـــــي ] :: eh2:::: eh2:::: eh2:::: eh2:::: eh2:::: eh2:::: eh2:::: eh2:::: eh2:::: eh2::

- وانا معاج لووول ...




الرحلة حلوة .... فنتك الصرااحه والله يديم عليكم هالرحلة ...

- امين يارب وعيونج الحلوة يدوووه :ah:

وأحلى شي المشاوي ... شكل الدياي لذييييذ يم يم يمي ...

- هيه ادري انه المشاوي كانت لذبذة ..
وعسب جي نزلتها لكم عسب بس ايوعكم <--- نذله بمرتبة الشرف :: eh2::
.
.


بس ليش ماخبرتني انكم بتسيرون رحلة والسالفة فيها مشاوي وطلعة بر انا اول

- ان شالله فالمرات الياية ..
بس اخاف مثل دوووووم يدووه كل مانقول لج بنسير
تقولين لنا لا ماقدر اليوم بيونا ضيوووف ..
واللي ماقدر بحني راسي
ومن هالسوالف ::ang::
فيوم تحسين انج فاضية وماوراج شي ولا جدامج شي لووول
خبرينا عسب نوديج حوش البيت :: eh2::<--- نخاف عليج من البرد ..


.
.

وحدة بكووون موجودة وبجهزلكم الرحلة وبخليها ترتوبيشن ... :(

- خلاص ان شالله وبنشوف شو بتسوين
من الحين اقولج لو يتي ويانا <--- بعق الشغل كله عليج
ماتصدق حد ياخذ هالسوالف منها
وعسب اتفيج للتصوير وغيره لووول ..


المهم انكم استانستو ولاتنسووني المرة اليايه...

:eh:ان شالله يدوووووه ...

ترى لاخلي الشرطة صدق يشلوونكم انا موصتنهم ايوونكم ويسوولكم شوية جو ويزيغوونكم عشاان ماتغبرووون عالخلق الي يطيروون فالهوا ..... :: eh2::


- ههههههههههههههههههه والله
كانوا حفلة بس بدون كيكه ..


تسلمين على الرحلة الي عشناها وياكم ...

- هااا اهم شي عندي .. انكم حبيتوا رحلتنا ..:ah:

والحمدلله ع سلامتكم ...

- الله يسلمج ويعافيج ..

وانا جااهزة اتريا الرحلة الياية ... :eh:

- خلاص اوكي ..
من تحسين نفسج فاضية خبرينا ..
وفالج طيب :m_yerms:

نترقب كل يديد ... بس بدوووون حريجة وشرطة ونسيان جوازات ومفااتيح ...:: eh2::

- هههههه لا جي كان احلى ...
هاليوم ماعتقد حد بينساه
بسبت هالمواقف الحلوة اللي صارت لنا ..
وحلات هالرحلات بمواقفها والله :ay:


.::.:...::..::.:::.::.:..


هههههه ...
:ax:
تسلمين عيوزتنا على هالرد الغاوي
واللي صدق استانست عليه وانا ارد عليج ..
فربي يعطيج
الصحة والعافية ..
ولا يحرمنا من طلاتج الحلوة لنا
ولا عدمناج ..

.


لج مني ارقى تحية
مووواجي ..

[موج الامارات]

.+[ غاية ]+.


.
.


مـــوج ..

- نعااااااااااااااااااااااااااااام :: eh2::

اسلـــــوبج وايــــد حلـــو ،،
- احم احم وجان استحي :ah:
تسلمين تسلمين من ذوووقج والله ..

وتصويــــرج احلــى ,, :ay:

وو امممم عيونج الحلوة :ah:


نتـــريـــا يديدج :001:

- ان شالله فشهر 1 :: eh2::
تدرووون الامتحانات عالابواب
وفالكم طيب ..

.
.

وشاكرة لج مرورج وحضورج
وربي يعطيج الصحة والعافية
ولا عدمناج ..

لج مني ارقى تحية
موواجي ..

[موج الامارات]

.+[ هبوب العين ]+.

.
.

ما شاء الله عليج رحلتكم عجيبه

- هيه والله كانت عجيبة من الخاطر ..
وان شالله نكررها هاليومين <--- الجو خبااااااااااااااااااااااال:h_thumb:


ياختيه شهيتيني بالكباب أنا بعد أحب الدياي بس

يالله الحين سوي وطرشيلي كم صيخ :g_mest7ya:

- ان شالله هههههه ..
بس لحقي بسرعة عن يبرد ههههه ...



وحيييها اللي تخمس

ما خلتني أخمس وياها :: eh2::

بس أنا بخمس بالفتكـ ما أرضى الا بها :d

- نحن الحمدلله ردينا بخير هههه ..
الكل استغرب كيف تخمس بالارمادا ..
ماشالله ماشالله عن يستويبها شي الحين:h_yalahwy:

تسلمينـ ع الرحلهـ الحلوهـ

ومرهـ ثانيهـ شليني وياج

عادي حطيني ف الكرتونـ :m_e3trath:

- ههههههه ان شالله مب مشكلة ..
احب سوالف الدسس وسوالف النذاله هههه..
وفالج طيب جان بنسير بنخبرج عسب نحطج تحت السيت:d

تستاهلين التقييم


- تسلمين والله ومن ذوووووقج ..
وميرسي عالمرور والتواصل
ولا عدمناج

[همس الليالي]

الصراحة يا موووواجي رحلتكم ... شي شي..

والاحلى منه المشاوي... يوعتيني .. بس انا صبورة وبصيح..:cry2:

والسيايير شي جمييييييييل.. وخاصة الفتك>>> ما في اروع منه..:h_thumb:

المرة الياية لا تنسين توديني وياكم بس الشباب ( اوت).. اوكي :m_maynon:

صور روعة والتخمسيات فنتك..

وانتي شي رائع ..

وانا عيبني الموضوع وااااايد..

وعشان شي بقيمج... :: eh2::

وتستاهليييييييين امورة... :ah:

يعطيج العافية ع الجهد المبذول.. الله لا هانج الغالية...

تقبلي مروري..

[موج الامارات]

.+[ هشيم ]+.

.
.


ماااااااااااااشاااااااااااء الله بنت وتخمس:m_shoo:
الصرااحه ماافيها حييله

- هيه ماشالله عليها هههه ..

بس لو خذت الفتك احسن بيخمس عدل:d

- حليلها قالت مابا اخذها كونها يديده اونه حرام هههه ..
فخذت الجديمة ههههه:: eh2::



تسلميين خيتوو عالصور الحلوه
ولا تحرمينا من يديدج لاهنتي ..

الله يسلمك ويعافيك ..
وشاكرة لك مرورك وحضورك
ويشرفني تواصلك معانا ..
ولا عدمناك ..
.
.

لك مني ارقى تحية
موووواج

[NoOoOoOoFa]

يا سلام عليج

والله صور وايد حلوه وشرحج لتفاصيل الرحله اروع ما قصرتي

بس حسبي الله ع عدويج يوعتينه هههههه

ربي يعطيج العافيه ع المجهود

:bt:

[صـدى الصمت]

يااااسلاااااااااااااام رحلة عجيبة

الاكل يشهي خاطري بصيخين

لكن أحلى شي التخميس خطيرة بنت خالتج مب هينة